2021 елның 10 июлендә Татарстан Республикасының Азнакай районында мәгърур Чатыр Тау итәгендә махсус мәйданчыкта Татарстан Хөкүмәте гранты ярдәмендә оештырылган  төрки  халыкларның «Чатыр Тауда Җыен” XI Халыкара халык иҗаты фестивале узачак. Фестиваль төрки халыкларның борынгыдан килгән гореф-гадәтләрен, милли үзенчәлекләрен, тормыш-көнкүрешен чагылдырган җыр-бию, нәфис сүз осталары чыгышы, театральләштерелгән тамашалар белән кунакларны моңлы да, серле дә, дәртле һәм куәтле дә булган  сәнгать дөньясына  сәяхәткә дәшә.