Даутлар авылында “Шәҗәрә – үткәннәрдән киләчәккә тәрәзә” бәйрәме табигать кочагында – киң болында гөрләп узды.

Бу изге көндә тугыз гаилә үз нәсел тамырларын эзләп, ерак бабаларын искә алып, бер мәйданга җыелды.

Һәр гаилә үз шәҗәрәсен зур плакатларга нәфис итеп төшереп алып килгән.

Бу очрашу һәркемгә үзенең бәләкәй генә түгел, ә олы бер нәселнең дәвамы икәнен аңлата. Әлеге рухи мизгелләр күңелләрдә озак сакланыр, чөнки шәҗәрә — ул безгә үткәннән киләчәккә ачылган изге тәрәзә.

Чыганак: Башкортстан Республикасы татарлары конгрессы