Бүген, 22 сентябрь, Бөтендөнья татар конгрессында Башкортстанның Иглин районы делегациясе белән очрашу узды.

Кунакларны  Бөтендөнья татар конгрессы Башкарма комитеты җитәкчесенең беренче урынбасары, Россия Федерациясе төбәкләрендәге татар иҗтимагый оешмалары белән эшләү комитеты җитәкчесе Марс Тукаев сәламләде. Марс Тукаев Бөтендөнья татар конгрессы структурасы, аның тарихы һәм биредә эшләп килүче проектлар хакында мәгълүмат бирде.

Шулай ук Бөтендөнья татар конгрессы исеменнән Башкортстанның Иглин районы делегациясенә истәлекле бүләкләр тапшырылды.