«Без татар» милли спорт төрләре буенча I Спартакиада талисманына багышланган рәсем  бәйгесендә җиңгән балалар дипломнарын алдылар.  Әлеге чара Бөтендөнья татар конгрессы тарафыннан уздырылды. Бәйгедә 5 яшьтән 16 яшькәчә балалар катнашты.

Исегезгә төшерәбез, илебезнең төрле төбәкләреннән барлыгы 50дән артык эш игълан ителде: Татарстан Республикасы, Төмән өлкәсе, Әстерхан өлкәсе, Краснодар крае, Свердловск өлкәсе, Ырынбург өлкәсе.

“Милли спорт төрләре буенча I Спартакиада логотибын булдыру эшенең төп нигезендә нәкъ менә үзебезнең татар балалары рәсемнәре, эшләре ятачак һәм эштә кулланылачак ” – дип сөйләде конкурсны оештыручы Зөфәр Вәлиәхмәтов.