20нче июль көнне Бөтендөнья татар конгрессы Башкарма комитеты җитәкчесе урынбасары – Татарстандагы бүлекчәләр белән эшләү комитеты җитәкчесе Ирек Шәрипов Татарстанның Актаныш районына сәфәр кылды. Биредә, Иске Сәфәр авылында, Регионара “Яшәсен гармун, тальян моңнары” җыены узды. Чарада авыл урамнары буйлап гармунчылар парады, ансамбльләр бәйгесе булды. Ирек Шәрипов чарада катнашучыларны Бөтендөнья татар конгрессы Милли Шурасы рәисе Васил Шәйхразыев исеменнән сәламләде, уңышлар теләде һәм рәхмәт хатлары тапшырды.