Кемерово өлкәсенең Юрга шәһәрендә дә беренче тапкыр Бөтендөнья татарча диктанты узган. Аны оештыруны үз җилкәсенә татар милләтенең актив вәкиле Әлфия Хафизова алган
Юргада диктант язу “Меланж” ресторанында, уңайлы шартларда узган. Биредә үз белемен тикшереп карарга 18 кеше җыелган, араларында 3 бала да булган
- Барысы да бик яхшы узды, Очраштык, таныштык, чәй эчтек. Барлык диктантка килүчеләргә рәхмәт. Сез матур һәм уңай атмосфера тудырдыгыз, – ди Әлфия Хафизова.
