Бүген Бөтендөнья татар конгрессы Башкарма комитеты җитәкчесе Ринат Закиров Татарстан Республикасы Мәгариф һәм фән министрлыгының Төбәкара хезмәттәшлек секторы хезмәткәрләре белән очрашты. Эшлекле очрашуда сүз 2018 елда чит илләрдә һәм Россия  төбәкләрендә яшәүче татар балалары өчен җәйге лагерь оештыру турында барды. Үз чиратында әлеге милли рухтагы җәйге аланнар татар телен, мәдәниятен, сәнгатен, татар тарихын тагын да тирәнтен өйрәтүне максат итеп куячаклар.