Бөтендөнья татар конгрессының рәсми сайты – Congress.tatar уздырган “Сабантуй- 2018” фотобәйгесенә йомгак ясыйбыз.

Бәйге 2018 елның июнь аенда башланып китте. Безгә Чехия, Эстония, Италия, Украина, Канада, АКШ, Үзбәкстан, Казахстан кебек илләрдән, Россиянең Бурятия, Башкортстан, Чувашия, Кырым, Республикаларыннан, Пермь крае, Волгоград, Смоленск, Нижгар, Ленинград, Чиләбе, Саратов, Оренбург өлкәләреннән, Мәскәү, Ростов-на-Дону шәһәрләреннән, Татарстанның төрле район, шәһәрләрендә узган Сабан туйларында төшерелгән фотосурәтләр килде. Хезмәтләр, сайлап алу туры үткәннән соң, sabantui2018.congress.tatar адресы буенча тавыш бирүгә куелды.

Онлайн тавыш бирү нәтиҗәсендә:

1 урынга – Раилә Алтынбаева (Россия, Ростов өлкәсе, Ростов-на-Дону шәһәре)

2 урынга – Гөлнара Әбүзәрова (Россия, Чувашия Республикасы, Чебоксар шәһәре) 

3 урынга – Алексей Хапов (Эстония, Кохтла-Ярве шәһәре)

3 урынга – Иван Накалюжный (Канада, г. Монреаль)ның фотосурәтләре лаек булды.

Җиңүчеләрне кыйммәтле бүләкләр көтә. Бәйгедә катнашкан фотосурәтләр Бөтендөнья татар конгрессы бинасында оештырылган фотокүргәзмәдә урын алачак.