Самарада яшәүче Гөлнара Насыйрова биредәге милләттәшләребезгә мастер-класслар оештыра. Чираттагысында, алар бергәләп, хәзер бик модалы саналган, кулдан  брошь эшләү серләренә төшенде. Аңа милли төсмерләрне дә өстиләр. Брошьның нигезендә,  халкыбызның милли бизәге – ләла чәчәге.

Гөлнара Насыйрова мастер-класста катнашучыларга яшьләр арасында популяр брошьлар, аларда милли төсмерләрне ничек кулланып булганлыгы хакында сөйли. Шулай ук инде, мондый бизәнү әйберләре эшләү буенча шактый остарган укучыларының эшләрен дә күрсәтә.