Урта гасырлар чорында Төмән елгасы ярында Төмән ханлыгы башкаласы Чинги-Тура урнашкан була. Аңа Себер ханы Тайбуга нигез сала. Бүген Төмән татар диаспорасы борынгы шәһәрдә яшәүче татарларның мәдәни мирасы объектларын торгызу буенча эш алып бара.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе В.Г. Шәйхразыев Төмән өлкәсенә эш сәфәре кысаларында булачак “Чинги-Тура” музеен карады. “Чинги-Тура” музей-агарту үзәгендә монтаж эшләре барышы турында аңа Бөтендөнья татар конгрессының Төмәндәге вәкиле Р.Х. Насыйров сөйләде.