Киләсе 2014 елның март-апрель айларында Удмуртиядә “Язгы тамчы” исемле төбәкара татар инструменталь музыка фестивален үткәрү ниятләнә.

Ул биш яшь категориясендә үткәреләчәк. Беренче турда – Удмуртия районнарында сайлап алу. Ул 12 марттан 5 апрельгә кадәр үтәчәк. Икенче этап –  сайлап алу турларында җиңүчеләрнең гала-концерты. Бу тамаша 25 апрельдә үтәчәк.

Жюри катнашучыларны башкарылган әсәрләрнең катлаулыгына, сәнгатьчә ача белү осталыгына карап бәяләячәк.

Бәйгегә башка төбәкләрдән дә яшь музыкантлар катнаша ала. Хәзерге көндә  бәйгегә катнашу өчен гаризалар туплана. 28 февральгә кадәр теләгәннәр фото белән анкеталарын җибәрә ала.