19-21 февраль көннәрендә Уфа шәһәре М.Акмулла исемендәге Башкорт дәүләт педагогия университетында “Ана теле-2020” XII Бөтенроссия студентлар педагогик осталык бәйгесе узды. Бәйгедә катнашучылар ачык дәресләр һәм иҗади номерлар тәкъдим итте. Барлык җиңүчеләр дә Бөтендөнья татар конгрессы тарафыннан кыйммәтле бүләкләр белән бүләкләнде. Чарада Бөтендөнья татар конгрессы Башкарма комитеты җитәкчесе урынбасары Илгиз Халиков катнашты.