Бүген Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев эш сәфәре белән Томск шәһәренә килде.

Аэропортта аны Томск өлкәсе Администрациясенең эчке сәясәт һәм социаль коммуникацияләр департаменты башлыгы Егор Тимофеев, татар мәдәнияте үзәге директоры Шамил Халитов, Томск шәһәре татарларының Милли-мәдәни автономиясе рәисе Наил Мәҗитов каршы алды.

Бүген Томск өлкәсе җитәкчелеге белән очрашу планлаштырылган. Шулай ук «Татар мәдәнияте үзәге» нең 30 еллыгына багышланган тантаналы чара узачак.