2021 нче ел Татарстанда Туган телләр һәм халыклар бердәмлеге елы дип игълан ителде. Шул уңайдан, Бөтендөнья татар конгрессының Башкортстандагы вәкиллеге Башкортстанда туып үскән татар шагыйрьләренең туган җиргә, туган телгә бәйле иҗат җимешләрен “Кем син?” исемле видеопроектта берләштерде. Бүген игътибарыгызга татар совет әдәбиятында җырлар язучы булып танылучы шагыйрь, сәясәтче Әхмәт Ерикәйнең “Ике канат” шигырен тәкъдим итәбез.