Ульяновск өлкәсе татар автономиясе каршында эшләүче “Ак калфак” татар хатын-кызлар оешмасы соңгы вакытта өлкә районнарына чыгып татар милли киемнәрен тегү, халкыбызның затлы һәм тәмле ризыкларын пешерү буенча остаханәләр уздыра башлады. Күптән түгел генә алар Инза шәһәрендә булып, анда гомер итүче яшь кызлар, әниләр һәм әбиләр белән очрашып аларны калфак тегү һәм чигү серләренә өйрәтеп кайттылар.