Йомырка белән йөгерү, капчык сугышы, балалар көрәше, баганага менү – берәү дә бүләксез калмый. Әтрәкле бәйрәмен күрергә хәтта күрше район һәм шәһәрләрдән дә килгәннәр.

Казан артистлары да бәйрәмгә аерым бер ямь өсти.
– Шундый матур, җыйнак, каралган авыл. Матур итеп эшлиләр дә, ял да итәләр. Прямо авыл уртасында матур мәйданнар бар, бөтен кеше елмаеп тора, яхшы бәйрәм оештыралар, – ди Илсөя Бәдретдинова.