Агымдагы ел Ульяновск өлкәсендә “Китап елы” буларак уза. Аның кысаларында өлкәнең мәдәният йортларында, китапханәләрдә һәм мәктәпләрдә дистәләгән чара оештырылды. Ә менә шушы көннәрдә генә “Сембер-Ульяновск татарлары” энциклопедиясенең икенче тулыландырылган басмасы дөнья күрде. Анда төбәкнең һәр татар авылы, андагы мәчетләр, танылган шәхесләр турында берничә йөз язма һәм мәгълумат урын алган. Әлеге уникаль басма өстендә эшләү , аңа материаллар туплау һәм аны укучыларга тәкъдим итү хакында Рамис Сафин хәбәр итә.