Бу гаиләдә барлык балалар, килен, кияүләр һәм дистәләгән оныклар барысы бергә -төп нигезгә җыелсалар, алар бер өстәл янына сыешып та бетмиләр, ашарга да чиратлашып утыралар. Сүзебез Чувашстанның Шыгырдан авылыннан Бөек Ватан сугышының соңгы ветераны, ун бала атасы, 99 яшьлек Нурулла ага Рәҗәповның ишле гаиләсе хакында бара. Безнең хәбәрчебез Рамис Сафин әлеге гаиләдә булып, бер оя, бер төп булып матур яшәүнең серләре белән танышып кайтты.