Халыкара гаилә көне уңаеннан Чувашстанның Яңа Чабаксар шәһәрендә үрнәк татар гаиләләрен зурладылар. Һәр елдагыча, бу көнне шәһәр мәчетенә 35, 40, 50, 55 һәм 60 ел бергә тату гомер итеп балалар үстергән парлар чакырыла. Әлеге гаиләләрнең исемнәре һәм фоторәсемнәре “Үрнәк татар гаиләләре” дигән алтын китапка кертелә, бүләкләр һәм дипломнар тапшырыла. Әлеге күркәм һәм җылы бәйрәмнең матур һәм кабатланмас мизгелләрен сез Рамис Сафин әзерләгән репортажда күрә аласыз.