Бүген Болгар җире бөтен дөньядан кунаклар кабул итә. Бирегә Бөтендөнья татар конгрессының VIII съезды программасы кысаларында Россиянең 77 төбәгеннән һәм 35 чит илдән мең ярым делегат килде.

Съезд делегатлары һәм кунаклары катнашында оештырылган флешмоб бүгенге сәфәрнең матур бер күренеше булды. Мең ярым милләттәшебез “Татарлар” сүзе булып тезелделәр. Флешмоб бию элементлары белән татар бию көенә уздырылды.