XXII Казан халыкара «Алтын мөнбәр» кинофестиваленең оештыру комитеты конкурс программасын формалаштырган. Шорт-листка 54 фильм кертелгән. Бу хакта Татарстан Мәдәният министрлыгы хәбәр итә.
Фестиваль 4-8 сентябрьдә Казанда узачак.
Оештыручылар хәбәр иткәнчә, быел кинофестивальдә катнашу өчен гаризаларны дөньяның 66 иленнән кинематографчылар җибәргән. Барлыгы төрле жанрдагы 1 030 кинокартина тәкъдим ителгән – тулы метражлы һәм анимацион кинодан алып вертикаль форматта төшерелгән фильмнарга кадәр.
Фестиваль тарихында беренче тапкыр Венесуэла, Бруней һәм Тогодан килгән эшләр дә бар.
