15 апрель көнне Владимир өлкәсенең Петушинский район мәдәният йортында Россия халыклары һәм милли диаспораларның «Җир планетасында дөнья» дигән район фестивале булып узды.
Бәйрәм башында һәр халык (рус, татар, төркмән, әрмән, әзербайҗан, чуаш, таҗик, чегән, казаклар) барлык милли ризыклар белән сыйлады, мастер-класслар күрсәтте. Бәйрәмнең икенче өлешендә сәхнәдә һәр халык үз халкын тәкъдим итте, легендалар сөйләде, җырлар җырлады.
Владимир өлкәсенең “Ак Калфак” татар хатын-кызлары оешмасы татар халкы мәдәнияте һәм көнкүреше хакында чыгыш ясадылар.
