Татарстан Республикасы Премьер-министры урынбасары, Бөтендөнья татар конгерссы Милли Шурасы рәисе Васил Шәйхразыев татар галиме, әдәбиятчы, фольклорчы, тюрколог, Казан дәүләт университеты профессоры, Татарстанның атказанган фән эшлеклесе, Татарстанның атказанган мәдәният хезмәткәре, Кол Гали исемендәге халыкара премия лауреаты Марсель Бакиров белән очрашты.
Шушы көннәрдә Марсель Бакиров үзенең 90 яшьлек юбилеен билгеләп үтә. Алар татар тарихы, мәдәни мирасы, фольклоры турында фикер алыштылар. Әңгәмәдән соң галим үзенең соңгы елларда нәшер ителгән ике китабын бүләк итте.
