Ул “Россия – Ислам дөньясы. KazanForum”ының йомгаклау көненә туры килә. Анда чит ил кунаклары, мөфти, имам-хатыйблар, мөселман дәүләтләреннән делегатлар катнашачак. Чара иртәнге сәгать 8дә – Ризаэтдин Фәхретдиннең тууына 165 ел тулуга багышланган күргәзмә ачылышыннан башлана һәм бәйрәм концерты белән дәвам итәчәк. Монда катнашучыларга урта гасырда кулланылган кара ясау буенча остаханә үткәрәләр, милли көрәшне дә күреп булачак.