10 октябрьдә 18.00 сәгатьтә «Татар ядкәрләре» проекты Габдулла Тукай әдәби музее белән берлектә Татарча квиз уенын оештыра. Уенда катнашыр өчен сылтамага кереп, теркәлү узарга кирәк.

«Сезне ун раундтан торган командалы уенда кино, китап, Казан турында фактлар, ырым-йолалар, татарның төрледән-төрле ядкәрләре, мемнар һ.б. көтә. Квизга команда белән яисә үзең генә дә язылырга була. Беренче өч урынны алган командаларны бүләклибез. Килми калмагыз!» – дип хәбәр итте «Татар-информ»га «Татар ядкәрләре» проекты җитәкчесе Фәнзилә Җәүһәрова.

Чыганак: tatar-inform.tatar