Олы һәм кече хаҗ гамәлләрен үтәп кайткан ханымнар белән очрашу Әхмәтзәки хәзрәт Сафиуллин исемендәге тәгълим үзәгендә узды. Бирегә тәгълим үзәгендә, мәчетләр каршында дини гыйлем алучы хатын-кызлар чакырулы иде. Чәй өстәлләре артында алар изге сәфәрдән кайтучылар чыгышын тыңлады, сорауларын бирде, әлеге эшне ниятләп башкарып чыгу өчен файдалы киңәшләр алды.

Чарада шулай ук район мөхтәсибе Якуб хәзрәт Сәлахетдинов, “Заһид” мәчете имам-хатыйбы Руслан хәзрәт Фәрхетдинов, “Миңнегөл” мәчете имам-хатыйбы Фәнис хәзрәт Гыйниятуллин катнашты.

Чыганак: nurlat-tat.ru