Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Луганск Халык Республикасында булды.

Сәфәр кысаларында ул Кировск шәһәренең 3 нче мәктәбе белән танышты. Әлеге уку йорты тарихи кыйммәткә ия, чөнки ул Советлар Союзы Герое Гыйльфан Батаршин укыган мәктәп урынында төзелгән. Мәктәп музеенда Г. Батаршинга багышланган почмак та бар. Биредә фотосурәтләр һәм стендлар урнаштырылган. Алар укучыларга һәм кунакларга герой тормышы һәм батырлыгы турында күбрәк белергә мөмкинлек бирә.