Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Луганск Халык Республикасына эш сәфәре кысаларында Лисичанск шәһәр округы башлыгы Эдуард Сахненко белән очрашты. Очрашуда Татарстан Республикасы Премьер-министры урынбасары Фәнил Әгълиуллин да катнашты.
Биредә төзекләндерү эшләре, шәһәр халкының тормыш шартлары һәм аларны борчыган мәсьәләләр турында фикер алышынды.
Лисичанск шәһәр округы башлыгы Эдуард Сахненко Татарстан Республикасына күрсәтелгән ярдәм өчен рәхмәт белдерде. Ул шулай ук, элек округта 120 мең кеше яшәгән булуын, хәзер исә бу санның 20-30 меңгә кадәр кимегәнен хәбәр итте.
