17 нче октябрь көнне Бөтендөнья татар конгрессы бинасында беренче курс студентлары белән җылы очрашу узды. Әлеге чараның кунаклары – Ставрополь краеннан, Новосибирск, Красноярск, Әстерхан, Владимир, Самара өлкәләреннән, Башкортстан, Удмуртия Республикаларыннан, Казахстаннан Казан шәһәренә укырга килгән студентлар иде.

Бөтендөнья татар конгрессы һәм Бөтендөнья татар яшьләре форумы эшчәнлеге белән танышу максатыннан килгән яшь буынны Бөтендөнья татар конгрессы Башкарма комитеты җитәкчесе Данис Фәнис улы Шакиров сәламләде. Ул студентларны конгрессның эшчәнлеге белән таныштырды.