Киров өлкәсе Урта Шөн гомум белем бирү мәктәбендә татар теленә багышланган елның иң зур белем акцияләренең берсе — “Татарча диктант” узды. Диктантны тәҗрибәле педагог Ләйсинә Мингазова алып барды.

Чарада укучылар да, укытучылар да актив катнашты — төрле яшьтәге катнашучылар татар телен белү дәрәҗәсен тикшереп, язма сөйләм күнекмәләрен камилләштерде. Диктант дустанә атмосферада, милли телебезгә ихтирам һәм кызыксыну шартларында узды.

“Татарча диктант” Урта Шөн мәктәбендә инде традициягә әверелеп бара һәм алдагы елларда да дәвам иттереләчәк.