Узган атнада Сиднейда төрки халыкларның иң зур фестивале — TurkFest узды. Ул Австралия һәм бөтен төрки дөньясы өчен тарихи вакыйгага әверелде.

Фестивальнең үзенчәлеге: беренче тапкыр бер мәйданчыкта 12 төрки халык вәкилләре җыелды. Бәйрәм алдыннан алар тантаналы парад булып үтте, уртак мәдәни традицияләрнең байлыгын һәм төрлелеген күрсәтте.

Фестивальдә Россиядән Татарстан Республикасы һәм Саха (Якутия) Республикасыннан ватандашлар катнашты.

Яңа Көньяк Уэльсның татар мирасы ассоциациясе (Австралия) фестивальдә инде икенче тапкыр катнашып, бай мәдәни программа белән чыгыш ясады.

София Гарипова һәм Ольга Калистратова ялгыз татар биюләрен башкардылар.Татьяна Дик тамашачыларга ике татар халык җырын тәкъдим итте: «Сандугачым-Гүзәлем» һәм «Эх, алмагачлар». Шулай ук ике татар җыры белән Bayram Creative Group балалар төркеме чыгыш ясады, алар тамашачы тарафыннан җылы кабул ителде.

Концерт программасыннан тыш, Ассоциация фестиваль кунакларына Татарстан Республикасыннан татар әйберләрен тәкъдим итте, килүчеләрне милли көнкүреш һәм традицион сәнгать элементлары белән таныштырды.

Без TurkFest оештыручыларына, шулай ук безнең бергәлекне хуплаган һәм безнең белән бергә бишенче континентта уртак Төрки мәдәниятнең байлыгын билгеләп үткән барлык кешеләргә ихлас һәм тирән рәхмәтебезне белдерәбез.

Лилия Сәмигуллина,

Яңа Көньяк Уэльсның татар мирасы Ассоциациясе комитеты рәисе,

Австралия.