Казан шәһәренең «Галәм» 18 нче татар гимназиясендә “Казан сандугачы-2026” вокаль фестиваль-конкурсы узды. Ул милли традицияләрне саклау, балаларны сәнгатькә тарту һәм аларда югары сәнгать зәвыгын булдыруга ярдәм итү, татар халык сәнгатенә, мәдәниятенә, көйләренә мәхәббәт тәрбияләү, балалар репертуарында фольклор-этнографик композицияләр булдыруга юнәлтелде.
Конкурс ике этапта оештырылып, беренчесендә район сайлап алу турында 105 катнашучы призер булды. Икенче шәһәр турында район этапларында беренче урын алган 47 конкурсант катнашты. Конкурс өч номинация буенча дүрт яшь төркеме арасында үткәрелде: татар эстрада җыры; татар халык җыры; фольклор композициясе (6-8 яшь, 9-12 яшь, 13-15 яшь, 16-18 яшьлекләр).
Нәтиҗәдә, Казан шәһәренең «Галәм» 18 нче татар гимназиясе укучысы Сәидә Абдуллина 9-12 яшьлекләр арасында Гран – при яулады.
Катнашучыларны конкурс партнерлары – Бөтендөнья татар конгрессының Казан бүлекчәсе җитәкчесе Фәрид Мифтахов, Бөтенроссия остаз-мәгърифәтчеләр бергәлегенең төбәк җитәкчесе, РФ Дәүләт Думасы депутаты ярдәмчесе Раил Шәмсетдинов, «Будильник» балалар телеканалы мөхәррире Ильяс Гыйләҗетдинов котлады.
Балаларның чыгышын жюри әгъзалары – ТРның Халык артисты Р.М.Ибраһимова, “Шаян-ТВ” мөхәррире Н.Р. Закирова, ТРның Атказанган мәдәният хезмәткәре, фәлсәфә фәннәре кандидаты, Казан дәүләт мәдәният институты доценты А.Р.Вознесенская, А. Алиш исемендәге Балалар иҗат сарае методисты В. В.Павлов бәяләде.
Конкурс җыр бәйрәменә әверелде. Барлык тамашачыларны һәм катнашучыларны рухландырды.
