Бүген, 7 март көнне, Бөтендөнья татар конгрессы Милли Шура рәисе Васил Шәйхразыев эш сәфәре белән Самара өлкәсенә бара.

Сәфәр кысаларында төбәк җитәкчелеге белән рәсми очрашу планлаштырылган.

Кичен Васил Шәйхразыев Самара өлкәсе Диния нәзарәте һәм татар иҗтимагый оешмалары җитәкчеләре катнашындагы ифтар мәҗлесендә катнашачак. Чара барышында милләтара татулыкны ныгыту һәм Рамазан ае кыйммәтләрен пропагандалау турында сүз барачак.