Бүген Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев, Луганск Халык Республикасына эш сәфәре кысаларында, Татарстан хәрбиләре белән очрашты.

Очрашу барышында хәзерге вакытта Луганскида хезмәт итүче егетләребезгә ярдәм итү мәсьәләләре турында фикер алыштылар. Хәрбиләр Бөтендөнья татар конгрессының Милли Шура рәисенә ярдәм һәм булышлык күрсәткәне өчен рәхмәт белдерделәр. Шулай ук Васил Шәйхразыевка «Балтика» отряды исеменнән рәхмәт хаты да тапшырдылар.