Буа районы Кыят урта мәктәбе “Татарча диктант” акциясенә кушылды. Диктант язуда мәктәп укучылары укытучылар белән бергәләшеп катнашты.
Катнашучылар башта шагыйрьнең “Туган тел” шигырен, аннан “Бәхет” дип аталган текстны яздылар. Диктант авыр булмады, бик ошады, диделщр катнашучылар.
Акциянең төп максаты – татар теленә һәм мәдәниятенә игътибарны җәлеп итү,бөтен дөньяда яшәүче татарларны берләштерү, тел белемен тикшерү мөмкинлеге бирү, әдәби татар телен кулланучылар даирәсен киңәйтү һәм татар теленә мәхәббәт тәрбияләү.
