Удмуртиянең Камбар районы Кама бистәсендә яңа мәчет ачылган. Аны биредә туып-үскән, хәзерге вакытта Чаллыда яшәүче Илгиз Шәмсиев туган ягында мәчет төзегән.

Яңа мәчетне ул әтисе истәлегенә «Әсхәт мәчете» дип атаган. Мәчетне ачу тантанасында бистәдә яшәүче халык, район башлыгы, республика мөфтие, шулай ук башка регионнардан килгән имамнар һәм мөселманнар катнашкан.