9 ноябрьдә Казахстан башкаласы Астанада бу илдәге Польша илчелеге татарларга багышланган күргәзмә ачылды. Ул “Польшадагы татарларның традицияләре һәм бүгенгесе” дип атала.

Казах гуманитар-юридик университеты бинасында урнашкан күргәзмәдә 20 таблицага бүленеп Польша татарларының бүгенге көне һәм тарихы тасвирлана.

Күргәзмә ачылышыннан соң Казахстан һәм Польша татарларына багышланган семинар үткәрелде. Аның кысаларында Астана татарлары вәкилләре Казахстанга яңа гына илче итеп тәгаенләнгән Польша илчесе Сәлим Хәзбиевич белән очрашты, фикер алышты.