Азнакайда Шиһабетдин Мәрҗани урамында урнашкан Татарстан Республикасы Азнакай муниципаль районы башкарма комитеты ГХАТ бүлегендә бөек татар галиме Шиһабетдин Мәрҗанинең тууына 200 ел тулуны билгеләп уттеләр. Чарада «Ак калфак» хатын-кызлар оешмасы, Азнакай районы хакимияте вәкилләре, күренекле шәхеснең тормыш һәм иҗат юлы белән кызыксынучылар катнашты.
Очрашу барышында Шиһабетдин Мәрҗанинең тормыш биографиясе, аның турында кызыклы хикәяләр яңгырады. Шәҗәрәләрдән төзелгән зур галерея тәкъдим ителде, дип хәбәр итә Азнакайның “Ак калфак” хатын-кызлар оешмасы.
