Элек-электән татар авылларында салкыннар башлану белән авыл халкы каз өмәсе үткәрә торган булган. Ә эш тизрәк һәм күңеллерәк барсын өчен, аларга туганнары, дуслары, күршеләре ярдәм иткән.
Камышлытамакта узган “Каз өмәсе” дә йоласына туры китереп үткәрелде. Эш милли киемнәр, дәртле җырлар, уен-көлке белән үрелеп барып, авыл халкы өчен чын бәйрәмгә әйләнде.
Камышлытамак авылында традицияләр һәм гореф-гадәтләр буыннан-буынга тапшырыла. Бу юлы да йолада яшь кызлар катнашты, алар олы яшьтәгеләрне игътибар белән тыңладылар, күзәттеләр һәм казларны чистартырга булыштылар.
