Бүген Татарстан Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Пермь краена эш сәфәре кысаларында, Г. Тукай исемендәге Барда гимназиясендә булды.

Биредә, күркәм традиция буенча, гимназия бакчасы территориясенә алмагач утырту чарасы узды, биредә «Дуслык аллеясы»на нигез салынды.

Чарада Пермь крае Губернаторы администрациясенең милли һәм дини мөнәсәбәтләр департаменты директоры Анастасия Субботина, «Пермь крае татарларының милли-мәдәни автономиясе» региональ иҗтимагый оешмасы советы рәисе Хәлил Фәрвазетдинов, Пермь крае Барда муниципаль округы башлыгы Хәлил Алапанов һәм Пермь крае Барда муниципаль округы Думасы рәисе Илгизәр Вахитов катнашты.