Агымдагы елның август аенда Татарстанның Язучылар берлеге ТР Мәдәният министрлыгы һәм Бөтендөнья татар конгрессы белән берлектә «Татар шигърияте көннәре» экспедициясен оештыралар. Әлеге чара Татарстанда игълан ителгән “Туган телләр һәм халыклар бердәмлеге елы” һәм Татарстан Республикасы көне уңаеннан уздырылачак. Экспедиция маршрутында Татарстан, Башкортстан республикалары, Оренбург, Самара, Ульяновск өлкәләренә сәяхәтләр каралган.