22 февраль көнне Бөтендөнья татар конгрессы Башкарма комитеты каршында оештырылган Бөтенроссия “Татар гаиләсе” иҗтимагый фонды директоры Миләүшә Гайфуллина һәм Халыкара Татар милли мәдәнияте һәм кухнясы ассоцияциясе президенты Резеда Хөсәенова Буа районының Вольнистан авылына сәяхәт кылды. Биредә Туган телләр һәм халыклар бердәмлеге елы кысаларында гаилә бәйрәме узды. Бәйрәмгә Буа районының Вольнистан, Янтуган, һәм Ташкичү авылларында гомер итүче милләттәшләребез җыелды.

Чараны Татарстанның атказанган артисты Динә Латыйпова алып барды.