Күптән түгел Әлмәтнең барыбызга да үрнәк булган 11 балалы Даишевлар гаиләсе «Ел гаиләсе-2019» Бөтенроссия бәйгесендә җиңү яулады. Гаилә «Күп балалы гаилә» номинациясендә катнашты.
Җиңүчеләрне бүләкләү тантанасы октябрь аеның соңгы көннәрендә Мәскәү шәһәрендә узды. Якташларыбыз биредә Республикабызны югары дәрәҗәдә күрсәтте.
Сүз уңаеннан, Лилия Даишева әле күптән түгел генә Татарстан Республикасының «Ана даны – Материнская слава» медале белән дә бүләкләнде.
