16 апрель көнне Уфаның “Бәрәкәт” кафесында Халыкара ислам бизнесы ассоциациясе (МАИБ) тарафыннан оештырылган ифтар мәҗлесе узды. Чарада Бөтендөнья татар конгрессының Башкарма комитеты җитәкчесе Данис Шакиров һәм Бөтендөнья татар конгрессының Башкортстандагы вәкиле Альфред Дәүләтшин катнаштылар.
Данис Фәнис улы Халыкара ислам бизнесы ассоциациясенең Башкортстан бүлекчәсе җитәкчесе Азат Мариус улы Максютовны Бөтендөнья татар конгрессының «Татар милләтенә күрсәткән олы хезмәтләре өчен» медале белән бүләкләде.
Соңыннан җыелган кунаклар “Ихлас” мәчетендә тәравих намазы укыдылар.
