Бөтендөнья татар конгрессы Башкарма комитеты җитәкчесе Данис Шакиров эшлекле сәфәр белән Ханты – Манси автономияле округында. Биредә 4-6 октябрьдә Бөтенроссия милли бердәмлек форумы уза. Бүген биредә “Бөтенроссия мөселман киңәшмәсе” түгәрәк өстәле узды.

Данис Шакиров ХМАО – Югра Губернаторы урынбасары Азат Исаев белән очрашты. Очрашуда ХМАО-Югра татар милли – мәдәни оешмаларының эше, шулай ук әлеге төбәктә яшәүче милләттәшләребезнең эшчәнлеге турында фикер алыштылар.