Бөтендөнья татар конгрессы Башкарма комитеты җитәкчесе Данис Шакиров эш сәфәре белән Саратов шәһәрендә. Бу көннәрдә Саратов өлкәсе татар милли-мәдәни автономиясе һәм “Советлар Союзы Герое Г. Г. Рамаев исемендәге милли (татар) гимназиясе”- икесе дә 30 еллык юбилейларын бәйрәм итәләр.
Данис Шакиров уку йортын юбилей белән котлап,Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев исеменнән котлау сүзләрен җиткерде. Гимназиягә телевизор һәм матур әдәбият сатып алу өчен сертификатлар тапшырды.
Телебезне,мәдәниятебезне, гореф-гадәтләребезне үстерүгә үзләреннән зур өлеш керткән милләттәшләребезгә Бөтендөнья татар конгрессы Башкарма комитеты җитәкчесе рәхмәт хатлары тапшырды.
