Бүген, күркәм традиция буенча, Федераль Сабантуй символын тапшыру тантанасы узды. Искәртеп узабыз, киләсе елда бәйрәм Ульяновск өлкәсендә узачак.
“Тулпар” Ульяновск өлкәсе Губернаторының беренче урынбасары, Ульяновск өлкәсе Губернаторы Администрациясе җитәкчесе Александр Костомаровка һәм Ульяновск өлкәсе төбәк милли-мәдәни мохтарияте рәисе Рамис Сафинга тапшырылды.
“Без Федераль Сабантуй символын зур җаваплылык белән кабул итәбез һәм 2022 елда узачак бәйрәмне матур итеп үткәрергә сүз бирәбез”, – диде Александр Костомаров.
