Мөслим авылында 2021 елның 28 апрелендә Татарстанның халык язучысы, драматург, Габдулла Тукай исемендәге Дәүләт премиясе лауреаты, Татарстанның атказанган сәнгать эшлеклесе, Мөслим муниципаль районының Мактаулы гражданины Фоат Садриевның 80 яшьлек юбилее узды.
Юбилярны котлау өчен биредә күренекле әдәбият һәм сәнгать әһелләре җыелды. Алар арасында Татарстан Язучылар берлеге рәисе Ркаил Зәйдулла да бар иде.
Бөтендөнья татар конгрессының Милли Шура рәисе В.Г. Шәйхразыев исеменнән Фоат аганы Бөтендөнья татар конгрессы Башкарма комитеты җитәкчесе урынбасары И.И. Халиков котлады.
