Бүген Пермь краеның Барда районныннан бөек шагыйребез Габдулла Тукайның туганнары Татарстанның тарихи урыннары белән танышты. Алар Яңа Кырлай, Кушлавыч, Өчиле авылларын, Г.Тукай исемендәге Арча педагогика көллиятен зиярәт итте. Биредә Г.Тукай һәйкәлләренә чәчәк салу тантанасы да узды. Кунакларны Бөтендөнья татар конгрессы Башкарма комитеты җитәкчесенең Россия Федерациясе төбәкләрендәге татар иҗтимагый берләшмәләре белән эшләү буенча урынбасары Марс Тукаев озата йөрде.