Казанда Муса Җәлил театрында Рудольф Нуриев исемендәге 34 нче Халыкара классик балет фестивале башланды.
Фестиваль Фикрәт Әмировның “Мең дә бер төн” балеты белән ачылды. Тамашачылар шулай ук Чайковскийның “Аккош күле”, “Йокыга талган гүзәл”, Аданның “Корсар”, Минкусның “Баядерка” һәм “Дон Кихот” балетларын карый алачак. Төп рольләрне Россиянең Зур театры, Англия милли балеты, Белоруссия Милли Зур театры солистлары башкара. Фестиваль афишасында Җәлил театры осталары башкаруында Резеда Әхиярованың “Алтын Урда”,”Арам Хачатурянның “Спартак” балетлары да кертелгән. Рудольф Нуриев исемендәге Халыкара балет фестивале 1-2 июньдә балет йолдызлары катнашында ике Гала-концерт белән тәмамлана
